هل سأحب يوماً ......؟؟؟ ياسيدتى

حلفت أشيلك..بين..رمشي والأحداق
وأن كان شانت دنيتك..جيت "لبيت"
لوضاق وقتك ياغناتي ..ولوراق
معك..معك..مهما قسيت وتناسيت
أعاهدك نبقى على الدرب عشاق
وأرجوك سامحني إذا ملت وأخطيت
بس أفهم أن البعد ماهوب ينطاق
وأنساه أنا لاشفت زولك وسجيت
يازين قلبي لك على هون ينساق
يوله عليك أن رحت ويذوب لاجيت

__ _ _ _ _ __

أخترت قلبك ماتخيرت غيرك
أبيك تشغلني وأبشغلك فيني
أبيك تعطيني من أقصى ضميرك
حب يعوض مابقى من سنيني
قليل عطفك كافي عن كثيرك
وشوفتك لو هي نظره تحتويني
أخترتك لقلبي وخليت غيرك
أبيك تحييني عشق وتموت فيني

__ _ _ _ _ _ __

لاتكتم أسرار الغلا مابقى أسرار
كلن عرف من عيني أنك حبيبي
لك صورةٍ ماتختفي وسط الأنظار
ترقد على حضن الهدب ماتغيبي
ياغيمة أشووواق الوله عطر الأزهار
الجرح في قربك حبيبي يطيبي
لايمنعك قلب الشقا قلبك أختار
أنا نصيبك وأنت منهم نصيبي
مافيه حاجز أو مسافات وأسوار
قلها لكل الناس هذا حبيبي

__ _ _ _ _ __

جعل العيون اللي تبي اليوم فرقاك
تفقد مع الأيام نعمة بصرهـــــــــا...

__ _ _ _ _ _

جعل من خذاني من حبيبي وأنا أبيه
تحده تريله ساهي قلب راعيهـــــــا...

__ _ _ _ _ __

لو شفت حالي كيف عايش بلياك
تبكي على حالك وتلعن غيابك
سولف لي عن غيبتك وشلون دنياك
عساك تضحك والحزن مادرا بك
لامر طيفك قلت أدخل وحياك
وسط الفؤاد اللي هواك وشقابك

__ _ _ _ _ __

أترك حلاتك ياحبيبي على جنب
غير الحلا تعجبني بزود طيبك
كلك على بعضك تجنن وتنحب
حظي كبير اللي جعلني رفيقك
لو قالوا الناس: حبك لي ذنب
قلت: ياهلا بذنب هو يجيبك
ماأقول غير الله يخليك يارب
ويعمي عيون من حسدها تصيبك..

__ _ _ _ _ _ __