حلمت حلم انـك تجينـي وتبكيـن
وامسح دموع عيونك اللـي تهلـه
خيال طيف تجذبـه دمعـة العيـن
مع غفلة رمـوق العيـون المغلـه
حالي قضى ليتك لحالـي تشوفيـن
من سبتك بالقلـب تسعيـن علـه
مافيه داعي اشرح الوضع تكفيـن
وانت علاج القلب وانت دوى لـه
ياماسهرت الليل والناس ممسيـن
تشهد علـى قولـي نجـوم مطلـه
وياما صبرت ايام وشهور وسنيـن
برضيك يـاراع العيـون المظلـه
حبك حرمني من جميـع المزاييـن
حبك مكفينـي عـن الحـي كلـه
لو ان قربـك ينشـرى بالملاييـن
والله لاسوق المـال دقـه وجلـه
اقسمت برب لـه عبـاده مصليـن
منساك لـو اللـوز اخلـف محلـه
كلمة عهد وحنا على العهد باقيـن
ماهـو عهـد مراسليـن المجلـه
حان الممات ولاحصل نكمل الديـن
الحضن دوني واحـد واقـف لـه
مري الشمال ان كان ودك تمريـن
مري على قبـري وزوري محلـه
ابعطيك وصف كـان ودك تمريـن
ابعطيـك وصـف لالفيتـه تدلـه
برض الشمال وقبلة القبر رجميـن
الايسر منهن يلحـق القبـر ظلـه
وان جيت عند القبر باسمي تنادين
واجاوب اللي جعـل روحـي فدلـه
وبيديك عن جسم رحل خفف الطين
واطلب له الغفران عن كـل زلـه
وان كان ودك فوق قبري تصليـن
اليا سجدتـي خلـى الـراس فلـه
واشم ريـح مثـل ورد البساتيـن
وجسم كلاه الـدود ريحـك يبلـه
وعند الوداع اكتب على القبرحرفين
مرحوم ياللـي صاحبـه ماحصلـه
السبت يناير 31, 2009 9:42 pm
